இந்த தளத்தில் எழுத விருப்பம் உள்ள எழுத்தாளர்கள் [email protected] அல்லது [email protected] என்ற மின்னஞ்சல் முகவரியில் தொடர்பு கொள்ளவும்

ல்தகா சைஆ இருக்கா? கதை திரி

Status
Not open for further replies.
View attachment 163

இவங்க தான் நம்ப ஹீரோ ஹீரோயின். பேரு ஊரு எல்லாம் கதையில் சொல்றேன்.

இன்ட்ரோ எல்லாம் கொடுத்து இவங்களை காமிக்கிறதை விட போற போக்குல பார்த்துக்கலாம்.

நான் உங்க லவ் 44 திருடுன உங்க இதயம் எல்லாம் வேணும்னா என்னை கடைசி வரை பொல்லொவ் பண்ணுங்க
 
Last edited:
அத்தியாயம் - 1
eiA6I5187063.jpg

சருகாகிய இலையும் பூவும் அந்த இடம் இலையுதிர் காலத்தில் தம்மை திளைத்திருப்பதை வெட்டவெளிச்சமாக படமிட்டு காட்டியது. அதற்கு மற்றொரு சான்றாக தனது உடலை செதுக்கும் வேளையில் அங்குமிங்கும் கிளைகளுடன் காட்சியளித்தது செடிகொடிகள் யாவும். மேலும் அவ்விடத்தை விட்டு நம் மனம் செல்லாத வகையில் தென்றலாய் வருடி நம்மை வரவேற்றது அந்த புகழ்பெற்ற அறிவியல் கல்லூரி.

அந்த கல்லூரியின் அழகிற்கு நேர்மாறாக சீற்றமும் சிவந்த கண்களுமாக அருகே இருந்தவளை படுத்திக் கொண்டிருந்தாள் தேவசேனா.
"சொல்லு ரியா நான் பார்க்க எப்படி டி இருக்கேன்?"
"உனக்கு என்ன டி அழகா தான் இருக்க"
"அப்போ எனக்கு அறிவில்லையா?" என்று அடுத்த கேள்வியை வைத்தாள்.

"அடியே! உனக்கு என்ன ஆச்சு? நீ தான் நம்ப டிபார்ட்மென்ட் செகண்ட். மறந்துட்டியா?"
சிறிது யோசித்தவள், "அப்பறம் என்ன தான் டி அவனுக்கு பிரச்சனை? என்னை எதுக்கு டி ரிஜெக்ட் பண்ணான்?"

"யாரு டி?"
"ஹான் அவன் தான் அந்த ஜிஞ்சர் சோடா!"

"ப்ராஜெக்ட்ல தான டி ரிஜெக்ட் பண்ணான் அதுக்கு எதுக்கு இப்படி ரியாக்ட் பண்ணுற?"
"நான் தான் ரொம்ப ரியாக்ட் பண்றேன் போல டி!" என்று கூறி எழுந்து சென்று விட, ரியா தான் குழம்பிப்போனாள்.

அதிகம் யோசிக்கமுடியாத அளவிற்கு அவளுக்கு முடிக்கவேண்டிய வேலைகள் இருக்க தேவசேனாவை பிறகு பார்த்துக்கொள்ளலாம் என்று புத்தகத்தில் மூழ்கினாள். அங்கிருந்து வந்தாளே தவிர சற்று முன்பு நடந்த சம்பவத்தில் இருந்து தேவாவால் வரமுடியவில்லை.

அழையா விருந்தாளியாக அவளவனிடம் வாங்கிய பல்ப் மொமெண்ட் நினைவிற்கு வந்தது.

"ஹே கைஸ் ரேண்டமா உங்க டீம்மேட்டை சூஸ் பண்ணிக்கோங்க. பட் ஒன் கேர்ள் அண்ட் ஒன் பாய் இஸ் ரூல்" என்று அவர்கள் பிரிவின் ஹச்.ஓ.டி கூறியது தங்களுக்கு பிடித்தவர்களை சூஸ் செய்தனர் ரிசெர்ச் மாணவ மாணவிகள்.

அனைவரும் டீம்மாக நிற்க மூவர் மட்டும் யாரை தேர்வு செய்வது என்று தெரியாமல் நின்றிருந்தனர். அதில் இரண்டு பெண்கள் ஒரே ஒரு பையன் மட்டுமே மீதமிருக்க மற்றவர்கள் அவர்களையே வெறித்தனர்.
தேவசேனாவை பார்த்தான் ஹர்ஷவர்தன்.

அவனிடம் வந்த தேவசேனா, "நம்ப பேர் பண்ணிக்கலாமா?" என்றாள் ஆர்வமாக,
"நீ சிங்கிளா மேனேஜ் பண்ணிப்ப. சோ ஐ சூஸ் லிசா" என்று கூற அவனை திமிராக பார்த்தாள்.

அவனிடம் தன் சுயத்தை இழந்து கெஞ்ச மனமில்லாதவள்,
"டோன்ட் ட்ரை டு பிரிடிக்ட் மீ" என்று நகர்ந்து தனித்து நின்றாள்.

இதெல்லாம் காட்சியாக அவளுக்கு தெரிய பாரமாக உணர்ந்தாள். மனதில் அத்தனை வலி அவன் நினைத்து இருந்தால் தன்னையும் இணைத்து இருக்கலாம். வேண்டும் என்றே செய்கிறவனை என்ன செய்ய?

'ஒருமுறையா அவனிடம் இந்த நிராகரிப்பு. நான் என்றாலே சற்று யோசிக்காமல் வேண்டாம் என்கிறானே! இனி அவன்பக்கம் திரும்பவே கூடாது!' என்று உறுதிப்பூண்டு நிமிர்ந்தவள் கேமரா கண்களில் அகப்பட்டான் அவளது ஜிஞ்சர் சோடா.

'இது வேலைக்கு ஆகாது!' என்று எழுந்துபோக நினைக்கையில் அவனது குரல் அவளை சிறைசெய்தது.
'இவனோட ஒரே இம்சையா இருக்கு!' என்று மனதில் நினைக்க மட்டுமே முடிந்தது பின் அவன் தான் அவள் இருக்கும் திசைப்பக்கமே திரும்ப மாட்டானே பிறகு எப்படி நேரில் சொல்ல.

'ஒரே ஒரு தடவை உன்னை லவ் பண்ணி தொலைச்சுட்டேன். இந்த இத்துப்போன மனசு வேற எவனையும் கண்டுக்க கூட மாட்டேங்குது. இப்படி ஆகும்னு தெரிஞ்சு இருந்தது சாத்தியமா உன்னை சைட் அடிச்சுருக்க மாட்டேன் டா! கடைசியா நான் தேவதாசியா ஆகிருவேன் போலயே!' என்று எண்ணினாள்.
திரும்பி அவனை பார்க்க அவனோ அவளை ஒரு பொருட்டாக மதிக்காமல் புத்தகத்தில் கவனத்தை செலுத்தினான்.

'நீ ஏன் டா இப்படி இருக்க? இப்படியே மைண்ட் வாய்ஸ்ல பேசி பைத்தியம் ஆக போறேன். காதல் பரத் போல "நைங் ஞங் ஞங் ஞங்"னு சுத்தப்போறேன். நீ என்னை பார்த்து மெண்டல் ஹாஸ்பிடலில் சேர்க்க போற! என் ஒளிமயமான எதிர்காலம் எனக்கு தெரியுது' என்று நினைத்தவள்,

'நான் லூசா சுத்த போறேன் அடலீஸ்ட் நீ சிங்கிளாவாச்சு சாவு டா அப்போ தான் என் ஆத்மா சாந்தி அடையும்' என்று அவள் எண்ணம் தறிக்கெட்டு ஓடியது.
இதற்கு மேல் முடியாது என்று வகுப்பறைக்கு நடையை கட்டினாள் தேவசேனா.

'நான் தான் வேணான்னு சொல்லிட்டேனே நீ இன்னும் என்னையே சுத்தி வந்தா நான் என்ன செய்ய? உனக்காக தான் அங்க இருந்து இந்த காலேஜ் வந்தேன். பின்னாடியே நீயும் வந்தா ஒரு மனுசன் என்ன தான் பண்ண முடியும். என்ன பீஸ் டி நீ?' என்று மனதில் அவளை கடிந்து அடுத்த நாளைக்கான விரிவுரைக்கு படிக்க ஆரம்பித்தான்.

சிறிது நேரத்தில் வகுப்பு தொடங்குவதற்கான மணி அடிக்க மற்றவர்களோடு அவனும் வகுப்பறைக்கு நடையைக் காட்டினான். கடைசி பெஞ்சில் அமர்ந்திருந்தவள் எவ்வளவு கட்டுப்படுத்தியும் அவனை ஓரக்கண்ணால் பார்க்காமல் இருக்க முடியவில்லை.

'லைட்டா சிரிச்சா அழகா தான் இருப்பான். ஆனால் இவன் தான் சிரிக்கவே மாட்டேங்கிறான்?' என்று மனதில் நினைப்பதற்கு பதில் சத்தமாக சொல்லிவிட அனைவரும் அவளை பார்த்து கேலியாக சிரித்தனர்.

'ஹையோ மைண்ட் வாய்ஸ்ன்னு நினைச்சு சத்தமா பேசிட்டேன் போல! இப்படி வாழ்க்கை முழுசா மைண்ட் வாய்ஸ்ல தான் ஓடும் போல. ஐயோ முறைக்கிறானே!' என்று அவனை பார்த்து அசட்டையாக சிரித்து திரும்ப அவளை பார்த்து துப்பினாள் ரியா.

அவளுக்கும் ஒரு சிரிப்பை பதிலாக கொடுத்து கரும்பலகையில் கண்ணை பதித்தாள்.
"குட் மார்னிங் ஸ்டுடென்ட்ஸ்."
"குட் மார்னிங் சார்!"

"எல்லாரும் நியூஸ் பார்த்திருப்பீங்க?"
"எஸ் சார்"
"ஏதோ ஆர்ன்னு ஒரு வைரஸ் ரொம்ப வேகமாக ஸ்பிரேட் ஆகுதாம். ஆன்சைட் ரிட்டர்ன் யாராவது உங்க சரோவுண்டிங்ல இருந்தா பார்த்து இருந்துக்கோங்க."
"ஓகே சார்"

"மார்னிங் உங்களுக்கு கொடுத்த ப்ராஜெக்ட்டை இன்னும் டென் டேஸ்ல சப்மிட் பண்ணனும். ஏற்கனவே சிலபஸ் கம்ப்ளீட் பண்ணத்தால் நீங்க உங்க ப்ராஜெக்ட் வொர்க்கை பார்க்கலாம்."
"தேங்க் யூ சார்" என்று தங்கள் இணையிடம் பேச ஆரம்பித்தனர்.

'வழக்கம் போல நம்ப மைண்ட் வாய்ஸ்லேயே பேசவேண்டியது தான்!' என்று நினைத்து பக்கவாட்டில் திரும்ப, லிசாவை வறுத்தெடுத்து கொண்டிருந்தான் அவளின் ஜிஞ்சர் சோடா.

தைரியத்தை வரவழைத்து அவன் அருகே சென்றவள், "ஹர்ஷா!" என்றாள் அழுத்தமாக,
"என்ன?" என்று கண்களால் கேட்டான்.

'வாயை தொறந்து பேசினா முத்து கொட்டிடுமோ? ச்சைக் எல்லாம் தலையெழுத்து!' என்று மனதில் நினைக்க மறக்கவில்லை.

"ஹர்ஷா உன் அளவுக்கு அவளுக்கு ஐ.க்யூ இல்லை. முதல் ரெபெரென்ஸ் புக் லிஸ்ட் கொடு அவள் அதை படிக்கட்டும் அப்பறம் உன் ஐடியாவை அவளுக்கு சொல்லு!" என்று கூறியவள் அவனது பதிலை கூட எதிர்பார்க்காமல் அவள் இடத்தில் அமர்ந்தாள்.

பெருமூச்சு விட்டவன் அவன் செய்ய போகும் ப்ராஜெக்ட்டுக்கு தேவையான கான்செப்ட் அனைத்தையும் ஒரு பேப்பரில் எழுதி லிசாவிடம் கொடுத்து அதை தெரிந்துகொள்ள சொன்னான்.
அவளும் சம்பந்தமாக தலையை அசைத்து லைப்ரரிக்கு செல்ல அவனோ தேவசேனாவை பார்த்தான்.

'பார்க்க அழகா தான் இருக்கா! காலேஜ்ல பாதி பேர் அவள் பின்னாடி தான் சுத்தறாங்க. விரல் விட்டு எண்ணிடலாம் நேருக்கு நேரு அவளை பார்த்து பேசினதை. அப்படி என்னத்தை பார்த்து காதல்னு வந்து நின்னா? என்னை பார்க்கும் போது அவளோட கண்ணு பளபளன்னு மின்னுமே! கன்னம் கூட ரூஜ் போட்ட மாதிரி பிங்க்கா மாறுமே! ஒருவேளை இது தான் காதலா? இந்த வயித்துக்குள்ள பட்டாம்பூச்சி பறக்கும்? தீப்பொறி வரும்? போதையில் இருக்க மாதிரி இருக்கும்னு சொல்லுறாங்களே! அப்போ அதுக்கு பேர் காதல் இல்லையா?' என்று யோசனையில் இருந்தவன் அவளை பார்க்க, இதழ் குவித்து பறக்கும் முத்தத்தை அளித்து அவன் கத்தும் முன் பறந்துவிட்டாள்.

அவளை மனதில் கடிந்து ப்ராஜெக்ட்டுக்கு தேவையானதை தேட ஆரம்பித்தான். சரியாக மூன்று நாற்பத்தி ஒன்னுக்கு வழமையாக வரும் குறுஞ்செய்தி அவனது அலைபேசிக்கு வந்தது.

அதை ஓபன் செய்யாமலே அதில் என்ன இருக்கும் என்று அவன் அறிவான். ஆனால் அவனது ஆருயிர் நண்பன் அஸ்வினுக்கு இன்று வேறு ஏதாவது வந்திருக்குமோ என்ற ஆர்வத்தில் அவனிடம் இருந்து அலைபேசியை பிடுங்கி பார்த்தான்.

"ல்தகா சைஆ இருக்கா?" என்று கொட்டை எழுத்தில் செய்தி வந்திருந்தது.

"ஹர்ஷ் உன் ஆளு இந்த டயலாக்க விட மாட்டாளா டா?" என்று அஸ்வின் கலாய்க்க அவனை முறைத்தானே தவிர பதில் பேசவில்லை.
"டேய் ஏன் டா இப்படி இருக்க? ஒரு பொண்ணு எவ்வளவு தான் இறங்கி வர முடியும். ரொம்ப அலைய விடுற டா பாவம் அவள்!"
"ம்ச் அவள் தான் என்னை படுத்துறானா நீயும் படுத்தாதே!" என்று வெளியேறியவனின் மனதில் காதல் உணர்வு எப்படி இருக்கும் என்ற கேள்வியே.

விடுதி அறையில் இருந்த தேவசேனாவிற்கு ஹர்ஷாவை எப்படி காதலுக்கு ஒற்றுக்கொள்ள வைப்பது என்பது மட்டுமே மனதில் ஓடிக்கொண்டிருந்தது.

'பேசாமல் அவனை ரேப் பண்ணிடலாமா?'
'இல்லை வேண்டாம்!'
'அவனை கடத்திட்டு போய் ஹாட்டா பிக்ஸ் எடுத்து, லவ் அக்ஸ்ப்ட் பண்ணலனா நெட்ல ரிலீஸ் பண்ணிடுவேன்னு மிரட்டலாமா?'
'ரொம்ப பழைய ஐடியாவா இருக்கு வேற யோசிக்கலாம்!'

'அவனோட போன் ஹேக் பண்ணி அவனோட டார்க் சைடு தெரிஞ்சு அதை வைச்சு அவனை பிளாக்மெயில் பண்ணலாமா?'
'வேண்டாம் வேண்டாம் இன்னும் பெட்டரா யோசிப்போம்.'

'அவனோட ரூமுக்கு போய் அவனை இம்சை செய்யலாமா?'
'இல்லை வேணாம்!'
'அப்போ காலேஜ் முழுசும் நான் தான் அவன் ஆளுனு காசு கொடுத்து பேச வைக்கலாமா?'
'அதான் அவன் என் ஆளுனு எல்லாருக்கும் தெரியும் அதனால் இதுவும் வேண்டாம்'

'அப்போ போன் பண்ணி என்ன லவ் பண்ணுனு டார்ச்சர் பண்ணலாமா?'
'இல்லை வேணாம் யோசிக்காமல் பிளாக் பண்ணிடுவான்!'

'நீ ஓகே சொல்லலைனா செத்துருவேன்னு மிரட்டி பார்க்கலாமா?'
'இது தான் சாக்குனு அவனே எனக்கு ஐடியா தருவான்'

'ப்ராஜெக்ட்ல டவுட்னு அவன் ரூமுக்கு போகலாமா?'
'இது தான் நல்ல ஐடியா!' என்று ஒரு வழியாக மனதோடு பேசி முடிவுக்கு வந்தாள் தேவசேனா.
பின் வேகவேகமாக கிளம்பி நாலைந்து பெரிய புத்தகங்களை தூக்கி கொண்டு அவன் அறையிற்கு சென்றாள்.



தொடரும்.......

லவ்தீகவாதிகளே மறக்காமல் உங்க கருத்தை ஒரு வார்த்தையிலாவது தெரிவிக்கவும்.
 
Last edited:
அத்தியாயம் - 2


சிந்தனை முழுவதும் அவனே நிரம்பியிருந்தான். அவனை கண்களில் நிரப்பி தன் காதல் தாபத்தை தீர்த்துக்கொள்ள சென்றாள். ஆனால் அவளுக்கு தெரியவில்லை அவனை நெருங்க நெருங்க அவளுக்கு வலிகள் தான் கூடும் என்பதை.

தனிமை விரும்பியான அவன், ஒற்றை படுக்கையறை கொண்ட ஒரு வீட்டை கல்லூரிக்கு அருகே வாடகை எடுத்து தங்கியிருந்தான். ஹார்ட் ஒர்க் அவுட் முடித்து அலுப்பு தீர குளித்தவனுக்கு பயங்கரமாக பசித்தது. கையில் கிடைத்த டி-ஷர்ட்டை மாட்டிக்கொண்டு சமையலறைக்குள் நுழைந்து துரிதமாக சமைக்க ஆரம்பித்தான்.

சமையலை முடித்து தட்டில் தேவையானதை பரிமாறி ஹாலுக்கு வந்து தொலைபேசியில் கானொளியை பார்த்தவாறு உணவில் ருசியறியாது பசியில் கிட்டத்தட்ட விழுங்கிக் கொண்டிருந்தான். சாப்பிட்டு முடிக்கும் தருவாயிலில் அவனது விட்டில் அழைப்பு மணி விடாமல் ஒளித்தது.

மணியை பார்க்க அது ஏழை நெருங்கியிருந்தது, 'யாரு வந்திருப்பா?' என்று யோசித்தவாறு கையில் இருந்த தட்டை ஹோபாவில் வைத்து கதவை திறந்தான்.
படப்படக்கும் மனதை மறைத்து அங்கே தேவசேனா நின்றிருந்தாள்.

'எதற்கு வந்தாய்?' என்று குற்றசாட்டு பார்வையை அவன் பார்த்து வைக்க,
'உன்னை பார்க்கத் தான்' என்று கண்களால் சொல்லி அவனை பார்க்க அவனோ அவளை முறைத்து பார்த்தான்.

"வரு உள்ள கூப்பிட மாட்டியா?"
"ம்ப்ச் எதுக்கு வந்த?" என்று அப்பட்டமாய் எரிந்து விழுந்தான்.
"உன்னை பார்க்க வந்தேன்.....
அப்படினு சொன்ன அசிங்கமா கேட்டுட்டீனா என்ன செய்ய....
நான் உன்னை பார்க்கவெல்லாம் வரல... என்னை தனியா ப்ராஜெக்ட் பண்ண சொன்னியே! ஹெல்ப் கூட யாரும் பண்ணாமல் எப்படி பண்ணுவேன்னு யோசிச்சியா?"
பாவம் போல சொன்னவளை ஆழ்ந்து பார்த்து, "என்ன ஹெல்ப் வேணும்?" என்றான்.

"ஹீஹீ சொல்றேன், முதல் வீட்டுக்குள்ள போகலாம்" என்று அவனை தாண்டி உள்ளே சென்றாள்.
அவளுக்கு வழிவிட்டு நின்றவன் உள்ளே சென்று இருக்கையில் வைத்திருந்த தட்டை சமையல் அறையில் வைத்து கையை கழுவி வந்தான்.

இதற்கு முன் நண்பர்களோடு இந்த வீட்டிற்கு வந்திருக்கிறாள் தான் ஆனால் தனியாக இங்கே வருவது இதுவே முதல் முறை.
அவன் வருவதை கண்டவளுக்கு,
'ஹையோ என் ஜிஞ்சர் சோடா இப்படி ஆளை கொல்லுறானே! ஒரே ஒரு லவ் யூ சொன்னால் போதும் இப்படியே இவன் கிட்ட என் மனசு சரண்டர் ஆகிடும்.

ஆனால் இந்த பக்கிக்கு என் காதலும் புரியல என் பீலிங்கும் தெரியல. இன்னேரம் இவன் ஓகே சொல்லியிருந்தால் கல்யாணம் பண்ணி ஹனிமூன் போயிருப்பேன். என்ன செய்ய இவன் தான் கண்டுக்கவே மாட்டேங்கிறானே!' என்று மனதில் அலுத்துக்கொள்ளவும் அவன் அவளிடம் வரவும் சரியாக இருந்தது.

"சொல்லு என்ன ஹெல்ப் வேணும்?" என்று நேரடியாக விட்ட இடத்திற்கு வந்தான்.
'அதானே பார்த்தேன்! இப்படி தான் நீ பேசுவனு தெரிஞ்சும் வந்திருக்கேன் பாரு என்னை சொல்லணும். என்ன பைத்தியம் பிடிச்ச காதலோ. உன்மேல எனக்கு வந்து தொலைக்கணுமா? ஊருல வேற எவனும் இல்லையா?' என்று அவளே அவளை நொந்து,
"அதுக்கும் முன்னாடி நான் உன்கிட்ட கொஞ்சம் பேசணும்!" என்றாள் அழுத்தமாக.

அவளது கண்கள் மின்ன புரியாத மொழி பேசுபவளை போல அவளை பார்த்து, "உன்னோட அன்-வண்டெட் பீலிங்ஸ்கெல்லாம் நான் எப்படி பொறுப்பாக முடியும். அதை தவிர என்ன வேணாலும் பேசு" என்று அவளது உணர்விற்கு தடைச் செய்தான்.

அவள் உணர்வென்ன சிற்றாறா? அவள் மனதில் ஓடுவது காதல் காட்டறாரு அல்லவா? அதை அவனது ஒற்றை வார்த்தை தடை செய்ய முடியுமா? அதை அவனும் உணரும் காலம் வருமா இல்லை அவளின் உணர்வுகள் மறுக்கப்படுமா? இதற்கு பதில் அவனிடம் இருந்தாலும் அவளது உணர்வுகள் கட்டுப்பாடின்றி காற்றோடு கலந்திருப்பதை யார் அறிவார்.

அவனது கத்திரி பேச்சை பலமுறை கேட்டவளுக்கு வழியே தெரியவில்லை அவளது காதலை அவனுக்கு புரியவைக்க. கிட்டத்தட்ட இறைஞ்சும் குரலில், "ப்ளீஸ் வரு என்னால் எதுலையும் கான்சென்ட்ரேட் பண்ண முடியல? அடலீஸ்ட் ஒரு பிரண்ட்டா நினைச்சாவது நான் சொல்றதை புரிஞ்சுக்கோ!"
"முதல் நீ பேசு அதுக்கு அப்பறம் நான் புரிஞ்சுக்க முயற்சி செய்றேன்."

ஆழ்ந்து மூச்சை எடுத்தவள் அவனை நெருங்கி,
"வரு! நிஜமாவே என்னோட லவ்வை உன்னால் பீல் பண்ண முடியலையா?"
"சாத்தியமா இல்லை!"

"அப்போ என்னோட பீலிங் உன் பார்வையில் எப்படி தெரியுது?"
"என்னை உன்னோட மேட்டிங் பார்ட்னரா நீ நினைக்கிற. அம் ஐ ரைட்?"

அவனது கேள்வி அவளை கூறுப்போட்டது இருப்பினும் கடைசியாக ஒரு கேள்வி கேட்டாள், அவள் பேச நினைத்ததை மறந்து.
"உனக்கு யாரு மேலயாச்சும் லவ் மேக் பண்ற தாட் வந்துச்சா?"
"சட் அப் தேவா!" என்று கத்தியவனுக்கு அவளது கேள்வியை ஜீரணிக்க முடியவில்லை.

அவனிடம் இப்படி ஒரு கோபத்தை எதிர்பார்காதவள்
அவனை கட்டுப்படுத்த வாயிக்கு வந்ததை கூற ஆரம்பித்தாள்.
"கூல்டவுன் ஹர்ஷா என்னோட ப்ராஜெக்ட்டுக்கு தேவையான டீடெயில்ஸ் பத்தி தான் உன்கிட்ட அனலைஸ் பண்றேன். நான் லவ் ஹோர்மோன்ஸ் பத்தி தான் ப்ராஜெக்ட் பண்ண போறேன்?".

"வாட்?" என்று வெளிப்படையாக அதிர்ந்து பின் சற்று வியப்பு கலந்த குரலில்," கம் அகைன்!" என்றான்.
"ஹர்ஷா! நான் த்ரீ லவ் ஹோர்மோன்ஸ் பத்தி ஒரு ரிசெர்ச் பண்ண போறேன்"
அதில் ஆர்வமானவன் கோபத்தை மறந்து அவளை கவனித்தான்.

"உனக்கு என்மேல் லவ் பீல் வரலைன்னு சொன்னில. உன்னை ஏன் என்னோட ரிசர்ச்க்கு யூஸ் பண்ணிக்க கூடாது. உன்னோட பீலிங்கை நான் டெஸ்ட் பண்ண போறேன். உனக்கு ஓகே வா?"
பிடிக்கவில்லை என்றாலும் அந்த உணர்வுகளை தெரிந்துகொள்ள தலையை ஆட்டினான்.

"பிரஸ்ட் ஸ்டெப் ஹக்கிங்!" என்று அவனை யோசிக்க விடாது இழுத்து அணைத்தாள்.
அது ஒரு நட்பிற்கான அணைப்பாக இல்லாமல் அவனிடம் அவளுக்கான உணர்வை தேட ஆரம்பித்தாள்.

அவளது திடீர் தாக்குதலை ஏற்க முடியாதவனாக அவளிடம் இருந்து அகன்று அவள் தலையை பின்னே இழுத்து தன் மொத்த கோபத்தின் பரிசாக அவள் கன்னத்தில் ஐவிரலை பதித்தான்.

அதுவரை இருந்த காதல் மயக்கம் தெளிந்து தேவசேனா அவனது முறுக்கு ஏரியா கைகளை பிடித்து, "ஏய் இப்போ எதுக்கு கை நீற்ற?" என்று வலியில் கத்தினாள்.
"உனக்கெல்லாம் ஒரு அறை பத்தாது. மரியாதையா ஹாஸ்டலுக்கு போயிடு! இல்லை என்கிட்ட அடிவாங்கியே செத்துருவ!" என்று குறையாத கோபத்தில் கத்தினான் ஹர்ஷவர்தன்.

"இங்க பாரு வரு! பசங்க மட்டும் தான் தேடி தேடி சைட் அடிக்கணும். கண்டதும் காதல்! லவ் பண்ணும் பொண்ணுகிட்ட கெஞ்சனும், என் அவங்க மேல வர தனிப்பட்ட உணர்வை கடத்தணும்னு இல்லை!

உன்மேல எனக்கிருக்க காதல் உனக்கு புரியலைனால் நான் தான் உனக்கு புரிய வைக்கணும் அதை விட எனக்கு என்ன வேலை!

இப்போ சொல்றேன் கேட்டுக்கோ நாளைக்கு என்கிட்ட உன்னை லவ் யூ சொல்ல வைக்கல நான் தேவசேனா இல்லை. குட் பை!" என்று அவன் அடித்த போது கை நழுவி விழுந்த எடுத்து வந்த புத்தகங்களை கூட எடுத்துச் செல்லாமல் வேகமாக அவன் அறையை விட்டு வெளியேறினாள்.

"ச்சை என்ன எழவு காதலோ இவளும் பின்னாடி அலையுறதை விடமாட்டாள் எனக்கும் அவளோட காதல் புரிய போகிறது இல்லை. எல்லாம் எங்க போய் முடிய போகுதோ!" என்று சத்தமின்றி பேசியவனுக்கு பசி மறந்து போனது.

எல்லாவற்றையும் நேர்த்தியாக செய்து முடிப்பவன் கதவை அடைத்து, அப்படி அப்படியே போட்டப்படி மஞ்சத்தில் விழுந்து உறக்கத்தை நாடினான்.

விடுதிக்கு வந்தவளின் மனம் ஒரு நிலையில் இல்லாமல் பலவிதத்தில் கற்பனையை கழட்டிவிட மனம் சோர்ந்து கட்டிலில் விழுந்தாள்.

'அப்போ ஒரு பொண்ணு பையன்கிட்ட லவ் சொல்ல கூடாதா?'
'அப்படி சொன்னா அது மறுக்கப்படுமா?'
'இல்லையே எத்தனையோ காதல் ஏற்கப்பட்டிருக்கே!'
'எனக்கு அந்த கொடுப்பினை இல்லையா?'

'என்னை விட அவனுக்கு சிறந்த காதல் கிடைக்குமா?'
'அவனை ஹக் பண்ணும் போது மனசு அமைதியா இது தான் உனக்கான இடம்னு சொல்லுச்சே!'
'எனக்கு இவ்வளவு பீலிங் கொட்டுதே! என்மேல அவனுக்கு எதுவும் வரலையா? ஒருவேலை எனக்கு அவன்மேல லவ் இல்லாமல் லஸ்ட்டோ?' என்று கண்டமேனிக்கு கற்பனை செல்ல மௌனமாய் கண்ணீர் வடித்தாள்.

கண்ணில் நீர் வற்றும் வரை அழுது கரைந்தவள் எழுந்து முகத்தை கழுவி,
'அவனை நாளைக்கு பார்த்துக்கொள்ளலாம். அதுக்காக சாப்பிடாமல் படுப்பது தப்பு!' என்று எழுந்து சாப்பிட சென்றாள்.

எதை உண்கிறோம் என்ற உணர்வே இல்லாமல் வயிற்றுக்கு ஆகாரத்தை போட்டு அறைக்கு வந்தாள்.

இதையெல்லாம் கண்ட ரியாவிற்கு அவளிடம் பேசவேண்டும் என்று தோன்றியது. ஆனால் எதை கேட்டாலும் அதற்கு ஒரு பதிலை கொடுத்து நியாயம் சொல்பவளிடம் என்ன சொல்லி அவளை சரி செய்வது என்று தெரியாமல் அமைதி காத்தாள்.

நேரம் யாருக்காகவும் எதற்காகவும் காத்திருக்காது. இரவு எத்தனை ரகசியத்தை புதைத்து தனக்குள் வைத்திருந்தாலும் என்றாவது வெளிச்சத்தில் அகப்பட்டு தான் ஆகவேண்டும். அகத்தின் தேடல் வெளிச்சத்தில் அகப்படும் நாளை எண்ணி கண்ணயர்ந்தாள் தேவசேனா.



காலையில் அவசர அவசரமாக எழுந்து கிளம்பிக் கொண்டிருந்தாள் தேவசேனா. அவளை கேள்வியாக பார்த்த ரியாவிடம், "ரியா மார்னிங் சீதா மேம் கால் பண்ணாங்க இன்னைக்கு அவங்க லீவ்வாம் அதனால் கெஸ்ட் லெக்ச்சர் கொடுக்க சொன்னாங்க. நான் முன்னாடி போறேன் நீ சீக்கிரம் வந்திரு!" என்று அவளது பதிலை கேட்காமல் வேகமாக கிளம்பி கல்லூரிக்கு சென்றாள்.

மரத்தடியில் அமர்ந்து இன்றைய நாளுக்கான குறிப்புகளை ஒரு கணம் திருப்பி பார்த்தவளுக்கு அவளது மனம் கவர்ந்த மாயவன் எங்கோ அருகாமையில் வருவது போல தோன்ற நிமிர்ந்து பார்த்தாள்.
பிடிக்கவில்லை என்றாலும் தன்னிடம் உதவி என்று கேட்ட ஆசிரியரிடம் மறுப்புக்கூற முடியாமல் அவளுக்கு உதவ வந்திருந்தான்.

அவளின் கண்களில் குறும்பு மின்ன, தன்னை நோக்கி வந்து கொண்டிருந்தவனை பார்த்து, "ஹே என் ஜிஞ்சர் சோடாவே!
என் கறி கொழம்பே! உன் டெடி பியர் நான்! டேக் மீ டேக் மீ!" என்று அவள் பட,

"ஹே அறிவு இல்லை!
நீ லூசு பிள்ளை! லவ் இல்லை இல்லை! டோன்ட் டாக் மீ டாக் மீ!" என்று அவனும் பதிலுக்கு பாடி அவள் வாயை அடைத்தான்.

"என்ன கொழுப்பா?"
"ஆமா கொஞ்சம் உனக்கு தொப்பை தெரியுது. ஜிம் போ"என்றவனை வெட்டவா குத்தவா என்று பார்த்தவள்,
"சரி லவ் யூனு என்னை பார்த்து சொல்லு உன்னை டிஸ்டர்ப் பண்ணவே மாட்டேன்!"

"முடியாது போடி" என்று அவளை கடந்து சென்றவனை சீண்டும் விதமாக, "எல்லார் முன்னாடியும் லவ் சொல்ல வைக்கிறேன் டா! என்று சபதமிட்டு அரங்கத்திற்குள் சென்றாள்.

இதுவரை எத்தனையோ விரிவுரை எடுத்திருந்தாலும், முதல் முறை போல அவளுக்கு ஒரு நடுக்கத்தை கொடுத்தது. கீழே நின்றிருந்தவன் கையில் பேப்பரோடு அவளையே பார்த்திருந்தான். இதில் அவனுக்கு சற்றும் உடன்பாடு இல்லை என்றாலும் அவனுக்கு வேறு வழியில்லை என்பதால் ஊருடன் ஒன்றி வாழ முடிவெடுத்து அமர்ந்திருந்தான்.

"ஹே கைஸ்! டாபிக்குள்ள போகும் முன்னாடி, லெட் மீ டெஸ்ட் யுவர் ஸ்கில்! அப்போ தானே உங்களுக்கு எப்படி லெக்ச்சர் தரலாம்னு எனக்கு ஒரு ஐடியா கிடைக்கும். ஆர் யூ ரெடி?" என்றவளது காந்தக்குரலை தொடர்ந்து 'எஸ்' என்று கோரஸ் பாடினர் அங்கிருந்த மாணவர்கள்.

"ஓகே. சீக்கிரம் நோட் பண்ணிக்கோங்க. ஒன்ஸ் நான் பினிஷ் பண்ணதும் அன்ஸர் தெரிஞ்சவங்க சத்தமா சொல்லுங்க!" என்று நிறுத்தியவள், அனைவரும் நோட்டை எடுத்து எழுதுவதற்கு ஆயத்தமானதை உறுதி செய்து பேச ஆரம்பித்தாள்.

"சி போர் கனடா 8 ஹச் போர் ஹைதராபாத் 11 என் போர் நெல்லை ஓ போர் ஊட்டி 2

+

சி போர் கனடா 10 ஹச் போர் ஹைதராபாத் 12 என் போர் நெல்லை 2 ஓ போர் ஊட்டி

+

சி போர் கனடா 43 ஹச் போர் ஹைதராபாத் 66 என் போர் நெல்லை 12 ஓ போர் ஊட்டி 12 எஸ் போர் சூடன் 2


வித் Second person singular

வில் கிவ்ஸ்?" என்று நிறுத்தி அரங்கத்தை பார்த்தாள்.

அருகே வைத்திருந்த மைக்கை எடுத்தவன் "லவ் வித் யூ " என்றான்.

அவன் பதிலை கேட்டு அங்கு சலசலப்பு ஏற்பட அவனை ஏளனமாக பார்த்தவள், "பிரில்லியண்ட் அன்ஸர்" என்று அமர வைக்க அவன் முகமோ கடுமையை தத்தெடுத்திருந்தது.

அவளுக்கு தெரியாதா எதிலும் தனது முதன்மையை தலைநாட்டும் ஹர்ஷாவிற்கு இந்த சிறு விடயம் பெரிதல்ல என்று. படிப்பு என்று வந்தால் மற்றதை மறந்துவிடுவான் என்பதை மனதில் கொண்டு இப்படி ஒரு விசயத்தை அவள் செய்ய அவனோ கோபத்தின் எல்லைக்கே சென்றுவிட்டான்.

அதை எதையும் கண்டுகொள்ளாமல், "கைஸ் நோட் இட். இட்ஸ்,

C8H11NO2 (Dopamine) + C10H12N2O (Serotonin) + C43H66N12O12S2 (Oxytocin) = LOVE.

டுடேஸ் டாபிக் இஸ் லவ் அண்ட் த்ரீ ஹோர்மோன்ஸ் ஆஃப் லவ்" என்று நிறுத்தி அவனை பார்த்தாள்.

அந்த பார்வை சொல்லாமல் சொன்னது, கூடிய விரைவில் இதே போல் உனது காதல் நான் தான் என்று சொல்ல வைப்பேன் என்பதை. அதை சற்றும் அவனால் ஏற்க முடியாமல் போக, யாரையும் பார்க்காமல் வேகமாக அவ்விடத்தில் இருந்து வெளியேறினான்.

சொன்னதை செய்துவிட்டாள் என்கிற கோபத்தை அவள்மேல் காட்ட முடியாமல் உடல் விறைத்து கோபத்தை கட்டுக்குள் கொண்டு வர முடியாமல் அங்கிருந்து கிளம்பினான்.



மூடி இருக்கும் கண்களுக்கு நிழல்கள் ஆடுவது தெரிய பட்டென்று விழித்தவனின் கண்கள் இரண்டும் கோவக்காயை போல சிவந்திருந்தது. அவனது பார்வை தன்னை சிறிதும் அச்சப்படுத்தவில்லை என்ற தோணியில் அவன் அருகே அமர்ந்தாள் தேவசேனா.

"தேவசேனா லீவ் மி அலோன்!" என்று வார்த்தைகளை துப்பியவன் மீண்டும் கண்களை மூட,
"ஹர்ஷா ஐ நீட் டூ டாக் வித் யூ" என்று அழுத்தமாக அதே சமயம் மென்மையாக கூறினாள்.
"என்ன வேணும் உனக்கு என்னை எதுக்கு டிஸ்டர்ப் செய்யுற?" என்று எரிந்து விழுந்தான்.

அவன் பேசியதை கேட்டு அங்கிருந்த சிலர் அவர்களை வெறிக்க அப்போது தான் சற்று நிதானத்திற்கு வந்தான்.
"ம்ச் என்னதான் டி உனக்கு இப்போ வேணும்? எதுக்கு நொய் நொய்னு என்ன இம்சை பண்ணுற? எனக்கு தான் உன்மேல எந்த பீலிங்கும் வரலைன்னு சொல்லிட்டேனே அப்பறம் என்ன தான் டி உன் பிரச்சனை. எனக்கு இது வர லவ் பீலிங்ஸ் வந்ததே இல்லை இன்ஃபக்ட் எதுலையுமே கம்ப்ளீட் ஹாப்பினஸ் கிடைச்சதே இல்லை. உன்மேல மட்டும் இல்லை இந்த ஜென்மத்தில் யார் மேலயும் காதல் உணர்வு வராது! நான் பீலிங்ஸ் இல்லாத ஜடம். உனக்கு தேவையான காதலை என்னால் தர முடியாது. வருங்கால டாக்டர் உனக்கு இதுக்கு மேல என் பிரச்சனையை சொல்லணும்னு அவசியம் இல்லை. உடல் தேவையா தான் உன்னோட இந்த காதல் எனக்கு புரியும். பிகாஸ் இதுவரை அந்த உணர்வு எப்படி இருக்கும்னு எனக்கு தெரியாது. ஸ்டே அவே!" என்று கத்திவிட்டு வகுப்பை புறக்கணித்து வீட்டிற்கு சென்றான் ஹர்ஷவர்தன்.

அவன் சென்ற பிறகும் அவ்விடத்தை விட்டு அகலாமல் சிலையாக சமைந்து இருந்தாள். 'நேற்று விளையாட்டிற்கு நான் சொன்னது தான் நிஜத்தில் உன் நிலையா? உன் நிலை அறியதானா இந்த பிரிவை தேர்ந்தெடுத்து படிக்கிறாய்?' என்று பல்வேறு சிந்தனைகள் அவள் மனதில் ஓடியது.

அதை தடுக்க வழியில்லாமல் பதிலை தேடி அவளது தந்தைக்கு தொலைபேசியில் அழைப்பு விடுத்தாள். நீண்ட நெடிய காத்திருப்பிற்கு பின் அவளது அழைப்பு ஏற்கப்பட்டது.

"ஹலோ தேவாம்மா! கிளாஸ் இல்லையா?" என்று மென்மையின் வாசம் சிறிதும் இல்லாத குரலில் அழைப்பை ஏற்ற ராம்குமார் பேசினார்.
"அப்பா! நான் ஒன்னும் கிளாஸ் கட் அடிக்கல!" என்றவளது குரல் உள்ளே செல்ல ஏதோ சரியில்லை என்று உணர்ந்துகொண்டார், அந்த அனுபவமிக்க மருத்துவர்.

"தேவா வாட் இஸ் ஈட்டிங் யூ?" என்று நேரடியாக கேள்வியை அவர் கேட்க, முதல்முறை தயக்கம் அவள் வாயை கட்டிப்போட்டு பேசாமடந்தை ஆக்கியது.
"தேவா!" என்ற அழுத்தமான அழைப்பில் தன்னிலை பெற்றவள்,
"அப்பா, ஆர் யூ பிரீ? நீட் டு ஹவ் அ லோங் டாக்!"
"வெயிட் அ மினிட் தேவா!" என்று அவளை அழைப்பில் வைத்து வெளியே இருந்த தாதியை அழைத்தார்.

"சிஸ்டர் நான் சொல்ற வரைக்கும் ஓ.பியை ஹோல்டு பண்ணுங்க. ஒரு இம்போர்ட்டண்ட் கால் பேசணும்."
"ஓகே டாக்டர்." என்று அவர் பதில் கொடுத்த நொடி,
"நீங்க இப்போ போகலாம்" என்று தேவாவிடம் வந்தார் ராம்குமார்.

"தேவா வாட்ஸ் தி மேட்டர்?" என்று அழுத்தமாக கேட்டார். அதில் இப்போ பதில் சொல்ல போறியா இல்லை சொல்ல வைக்கவா என்ற கேள்வி ஒளிந்திருப்பதை அவளுக்கு புரியாமல் இல்லை.
"அப்பா ஒரு செகண்ட் அம்மாவையும் கான்பிரென்ஸ் காலில் ஜாயின் பண்ணிக்கிறேன்!" என்று அவரது பதிலை கேட்காமல் அவளது அன்னையை அழைப்பில் இணைக்கும் வேலையை செய்தாள்.

பெற்றவளுக்கு அரசல்புரசலாக ஹர்ஷாவின் மேல் இருக்கும் ஈர்ப்பு தெரியும் என்பதால் துணைக்கு அழைத்து தந்தையிடம் பேச முனைந்தாள்.
அவள் எதையோ பெரிதாக சொல்ல போகிறாள் என்பதை யூகித்து அவளுக்காக காத்திருந்தார்.
அந்த சமயம் அழைப்பில் இணைந்த மாதவி, "என்ன அதிசயம் டாட்ஸ் லிட்டில் பிரின்சஸ் என்னை துணைக்கு கூப்பிட்டுருக்கு?" என்று தேவசேனாவை வாரினார்.

"மாது உன் பொண்ணு எதையோ பெருசா சொல்ல போறான்னு நினைக்கிறேன். என் கெஸ் படி உனக்கு அது தெரிஞ்சுருக்கும் இல்லைனா அவளுக்கு உன்னால் மட்டும் தான் சப்போர்ட் பண்ண முடியும்னு நினைக்கிறேன்" என்று அவர் சரியாக கணித்திருந்தார்.
"அப்பா கொஞ்சமாவது நீங்க நடிக்கலாமே? எல்லாத்தையும் இப்படி கரெக்டா கண்டுபிடிச்சா திருட்டுத்தனம் பண்ற எனக்கு என்ன மரியாதை?" என்றவள் சற்று இடைவெளி விட்டு,

"என்னை இந்த கோர்ஸ் ஏன்பா படிக்க சொன்னிங்க?" என்று அவர் என்ன பதில் கூறுவார் என தெரிந்தும் கேட்டாள்.
"தேவா நான் லீடிங் 'எண்டோக்றினாலொஜிஸ்ட்'. (உட்சுரப்பியலானது உயிரியல் சேர்க்கை, சேமிப்பு, வேதியியல் மற்றும் நொதிகளின் உளவியல் சார்ந்த செயல்பாடு ஆகியவை சார்ந்த படிப்பு) உன் அக்கா உன் அம்மா மாதிரி கைனோ தான் ஆவேன்னு ஒத்தக்காலில் நின்னு படிச்சா. எனக்கு அப்பறம் நம்ப குடும்பத்தில் என் கிளினிக்கை பார்த்துக்கொள்ள ஒருத்தர் வேணும். அதுமில்லாமல் உனக்கு அந்த ஸ்கில் இருந்துச்சு, சோ உனக்கு சஜெஸ்ட் பண்ணேன். இப்போ ஏன் உனக்கு இப்படி ஒரு டவுட் வந்துச்சு?" என்று ராம்குமார் நிறுத்தினார்.

இதையெல்லாம் கேட்டுக்கொண்டு இருந்தாலும் தேவசேனாவின் பதிலை எதிர்பார்த்து காத்திருந்தார் மாதவி.
"அப்பா வாட் டூ யூ திங்க் அபௌட் நோ பீலிங்ஸ் பிபுல்?"

"இட் டிபேன்ட்ஸ் அன் தி நேச்சர் ஆப் பேஷண்ட்!" என்று பதில் கொடுத்தாலும் அவளது விசாரணை எதற்கு என்று புரியாமல் யோசித்தார்.
அவர் கேட்காமல் இருக்கலாம் ஆனால் மாதவியால் அமைதியாக இருக்க முடியவில்லை, "குட்டிமா வாட்ஸ் ராங் வித் யூ? இதுக்கு தான் இந்த கோர்ஸ் வேணாம்னு சொன்னேன் உன் அப்பா மாதிரியே நீயும் ஆகிடுவியோன்னு பயமா இருக்கு?" என்று தான் ஒரு மருத்துவர் என்பதை மறந்து கணவனின் செயலின் அதிருப்தியை வெளிப்படுத்தினர்.

"மாம் கொஞ்சம் வெயிட் பண்ணுங்க எனக்கு அப்பாகிட்ட கொஞ்சம் பேசணும். அதுக்கு அப்பறம் உங்களுக்கு எஸ்பிளைன் பண்றேன்!" என்று அவரை அமைதிப் படுத்தி ராம்குமாரிடம் வந்தாள்.

"அப்பா இன் தி கேஸ் ஆப் நோ பீலிங் இஸ்சு. தி பர்சன் வில் எபக்ட் எய்தர் பை அரோமாண்டிசிம் (காதல் காமம் சார்ந்த உணர்வுகள் குறைவாகவோ அல்லது இல்லாமலோ இருக்கும் ஒரு வித குறைபாடு) ஆர் அலெக்ஸிதிமியா (பிறர் மீது எவ்வித உணர்வுகளும் தாக்கமும் இல்லாத குறைபாடு)? அம் ஐ ரைட்?"
"எஸ் தேவா பட் இன் ரேர் கேஸ் தே மே பி எபக்ட் பை பார்கின்சன் டிசீஸ்(ஒருவித நரம்பியல் கோளாறு)"

"இதெல்லாம் சரி செய்ய முடியுமா? அதுக்கு மெடிசின் இருக்கா?"
"இல்லை தேவா இதை சரி செய்ய முடியாது ஆனால் கண்ட்ரோல் பண்ணலாம் அண்ட் இம்ப்ரூவ் பண்ணலாம்"

"ஒருவேளை அந்த டிசார்டர் பர்சனே ஒரு எண்டோக்றினாலொஜிஸ்ட்டா இருந்தால்?"
"இது அபூர்வமா நடக்கும். அந்த நபர் தனக்கு என்ன பிரச்சனைன்னு தீர்வு கண்டுபிடிக்க அவங்களே இறங்கி தெரிஞ்சுப்பாங்க. பண்டைய காலத்தில் இது சகஜம் ஆனால் இப்போ இப்படி நடக்கிறது ரொம்ப ரொம்ப அதிசயம் தான்."

சிறிது நேரம் குழப்பத்தில் உழன்றவள் பெற்றவர்களை அதிகம் காக்க வைக்காமல் பேசினாள்.
"அம்மா அப்பா ரெண்டு பேரும் கொஞ்சம் பொறுமையா அதே சமயம் என்னை புரிஞ்சுக்க ட்ரை பண்ணுங்க!
எனக்கு காலேஜ்ல ஒரு பையனை ரொம்ப பிடிச்சுருக்கு. ஹர்ஷவர்தன், வீட்டுக்கு ஒரே பையன். அவனோட அப்பா அம்மா கவர்மென்ட் ரெண்டு பேருமே டீச்சர்ஸ். அவனும் எண்டோக்றினாலொஜிஸ்ட் தான். பட் ஹி இஸ் நோட் அ நார்மல் மேன். அவனுக்கு நோ பீலிங் டிசார்டர் இருக்கு ஆனால் அது எந்த வகைன்னு எனக்கு தெரியல?"

அதுவரை அமைதியாக இருந்த மாதவி, "ஓகே இப்போ என்ன பண்ணலாம்னு இருக்க?" என்று தன் மகளின் பிடிவாதத்தை தெரிந்து கேட்டார்.
"நான் என் பைனல் இயர் ப்ராஜெக்ட் லவ் ஹோர்மோன்ஸ் பத்தி ரிசர்ச் பண்ண போறேன். அதுவும் என்னோட எஸ்பிரிமென்டீயா ஹர்ஷாவை யூஸ் பண்ண போறேன். கண்டிப்பா அவனுக்காக மருந்தை நான் கண்டுபிடிப்பேன் இல்லை அவனை அப்படியே ஏத்துப்பேன்!"

"தேவா நீ பண்ண போறது சரின்னு நினைக்கிறியா? ஒரு டாக்டர் தானே நீ? ஆனால் என்ன செய்ய போறேன்னு சொல்லுற?" என்று அமைதியை உடைத்து பேசினார் ராம்குமார்.
"அக்கா லவ் பன்றேன்னு சொன்னப்போ நீங்களே பேசி மாமாவை கல்யாணம் பண்ணி வைச்சீங்க! எனக்கு மட்டும் அநியாயம் செய்யலாமா?" என்று குற்றச்சாட்டினாள்.

"திவாகரும் ஹர்ஷாவும் ஒன்னா?" என்று மாதவி எதிர்கேள்வி எழுப்ப,
"யார் அப்போஸ் பண்ணாலும் நான் சொன்னதை செய்யதான் போறேன். உங்களுக்கு சொல்லாமல் செய்யலாம் ஆனால் நீங்க அப்படி வளர்க்கலையே! சொல்லிட்டேன் அவ்வளவு தான்" என்று பேச்சை முடித்துக்கொண்டாள்.

"மாது உன் பொண்ணு முடிவு பண்ணிட்டு தான் நம்பகிட்ட பேச வந்திருக்கா! ஒரு டாக்டர் நான் என் பேஷண்டை சரியும் செய்வேன் என் காதலை ஜெயிச்சும் காட்டுறேனு சொன்ன அவளோட பிடிவாதம் முதல் நாளே ஆட்டம் காணும். அவளோட வாழ்க்கை அவளோட கையில். தீ சுடும்னு சொல்லலாம் இல்லை அது என்னை மட்டும் சுடாதுனு பேசும் உன் பொண்ணுகிட்ட பேசவே முடியாது. ஈவினிங் வர கொஞ்சம் பொறுமையா இருக்க சொல்லு நான் யோசிக்கணும்!" என்று அழைப்பை துண்டித்தார்.

அவரது நலிந்த குரலே அவருக்கு இதில் சற்றும் பிடித்தமில்லை என்று அவளுக்கு புரிந்தது. ஆனால் முன்வைத்த காலை பின் வைக்க மறுத்தாள் தேவசேனா.

"குட்டிமா நீ தெரிஞ்சே வலியை வாங்க நினைக்கிற? பசங்களா இல்லை அவனை விட்டுரு. யோசி ஒரே காதல் ஒரு செடியில் ஒரு பூ தான் பூக்கும்னு சில்லியா யோசிக்காதே! அவன் மேல இருக்க ஈர்ப்பை காதல்னு சொல்லி உன்னை நீயே ஏமாற்றிக்காதே. டேக் யுவர் டைம்" என்று மாதவியும் வைத்து விட மனம் கனத்து அமர்ந்திருந்தாள்.

கானலாக போய் விடுமோ என்று பயத்தில் இப்படி ஒரு முடிவை எடுத்தாலும், இதை அவன் ஒருபோதும் ஏற்றுக்கொள்ள மாட்டான் என்பதை அவள் அறிவாள். வீட்டில் எப்படியாவது ஒற்றுக்கொள்ள வைத்து விடலாம் ஆனால் தன் காதல் கள்வனிடத்தில் அவளது பேச்சு காற்றில் தீட்டும் ஓவியம் அல்லவா? யோசித்து யோசித்து தலைவலி வந்தது தான் மிச்சம் ஒரு தீர்வு கிடைக்கவில்லை. ஒரு கட்டத்தில் சோர்ந்து அவள் மனமும் உடலும் ஓய்வு கேட்க மெதுவாக விடுதியை நோக்கி நடந்தாள்.


தொடரும்.......

ஹாய் லவ்தீகவாதிகளே சும்மா போகாமல் நாளு வார்த்தை சொல்லிட்டு போங்க.......

Thread 'ல்தகா சைஆ இருக்கா? கருத்து திரி' https://saaralnovels.com/index.php?threads/ல்தகா-சைஆ-இருக்கா-கருத்து-திரி.234/
 
Last edited:
அத்தியாயம் - 3
eiA6I5187063.jpg
தூங்கி எழுந்தவளின் மனம் சற்று நிதானதிற்கு வந்திருக்க, அழைப்பேசியை எடுத்து பார்க்க ரியாவின் அழைப்பு பல தவறியிருந்தது.
'எதற்கு இத்தனை முறை அழைத்திருக்கிறாள்?' என்று யோசித்தவாறு அவளை தொடர்புக்கொண்டாள்.

அழைப்பை ஏற்றதும்,
"ஏய் தேவா! எங்க டி போய் தொலைந்த? சொல்லிட்டு போக மாட்டியா? ஹாஸ்டல்ல தானே இருக்க?" என்று பொரிந்தாள்.
"இப்போ எதற்கு இப்படி கத்துற? என்ன விஷயம்? நான் ரூம்ல தான் இருக்கேன்."

"நாளையில் இருந்து நம்ப காலேஜ் லீவு. இப்போ தான் சர்குலர் வந்தது. உன்னையும் ஹர்ஷாவையும் தான் ஹோல் டிப்பார்ட்மெண்டும் தேடுது."
"ஓ!" என்று சுருதியே இல்லாமல் சொன்னவள் சட்டென்று தன்னிலை மீட்டு, "என்ன லீவு திடீர்னு?" என்றாள்.

"பெயர் தெரியாமல் ஒரு டிசிஸ் ஸ்பிரெட் ஆகுதில்லை, அது COVID39 ஆம். இப்போ தான் WHO அனௌன்ஸ் பண்ணியிருக்கு"
"சோ வாட் ரியா?"

"இந்தியாவில் இருபது வருசத்துக்கு முன்னாடி போட்ட அதே லாக்டவுன் போட போறாங்களாம். சோ எடுகேஷனல் இன்ஸ்டிடியூட் எல்லாம் ஆஃபீசியல் லீவ் அனௌன்ஸ் பன்றாங்க. நான் இன்னும் கொஞ்சம் நேரத்தில் வந்திருவேன். நீ எல்லாத்தையும் பேக் பண்ணிட்டு உங்க வீட்டுக்கு இன்போர்ம் பண்ணி வர சொல்லு!"
"ம்ம்!" என்று சொன்னவளுக்கு புதிதாக ஒரு எண்ணம் தோன்ற வேக வேகமாக பொருட்களை எல்லாம் பேக் செய்து அறையின் ஓரத்தில் வைத்தவள் நேரே சென்றது என்னவோ ஹர்ஷாவிடம் தான்.

ஓயாது அழைப்பு மணி அடித்தும் அவன் கதவை திறக்காததால் பலம் கொண்டு கதவை தட்ட ஆரம்பித்தாள் தேவசேனா. சில நிமிடத்திற்கு பிறகு படார் என்று கதவை திறந்து வெளியே வந்தவன் மனம் சற்று சமன்பட்டு தான் இருந்தது.

ஆனால் எல்லாம் அவள் பூமுகம் காணும் வரை தான். எங்கிருந்து அத்தனை சினம் துளிர்த்ததோ அவளது கன்னத்தை அழுத்திப்பிடித்து, "எதுக்குடி இங்க வந்த?" என்று ஒவ்வொரு வார்த்தைக்கும் அவளது கன்னத்தில் அழுத்தம் கொடுத்தான்.

"ஹர்ஷா வலிக்குது கையை எடு!" என்று சொல்லும் போதே அவள் கண்களில் இருந்து நீர் அவன் கையில் பட்டது. அவள் கண்ணீரை கண்டபோதும் அவன் மனம் சற்றும் இறங்காமல் அவளை வதைக்கவே முனைந்தது.

எங்கே எலும்பு உடைந்து விடுமோ? என்ற பயத்தில் அவனது மார்பில் கையை வைத்து தள்ள பிடிமானம் இல்லாமல் ஒரடி பின்னே சென்றாலும் அவளை விடவில்லை.
"ஹர்ஷா லீவ் மீ!" என்று முழு பலத்தைக் கொண்டு தள்ள லேசாக அவளிடம் இருந்து விலகினான்.
அந்த சிறு சந்தர்ப்பத்தை பயன்படுத்தி இரண்டடி தள்ளி தன்னை ஆசுவாசப்படுத்திக் கொண்டாள் தேவசேனா.

"இங்க பாரு மேல கை வைக்கிற வேலையெல்லாம் வைச்சுக்காதே. எதுவா இருந்தாலும் வாயில பேசு!" என்று பயத்தில் என்ன பேசுகிறாள் என்று தெரியாது பேசினாள்.
"ஏய் உனக்கு என்ன டி வாயில பேசணும். உனக்கெல்லாம் கையில் தான் பேசுவேன். மரியாதையா சொல்லுறேன் ஓடி போயிடு இல்லை அடி வாங்கியே சாவ!" என்று விரல் நீட்டி மிரட்டினான் .

"ம்ச் உனக்கு நார்மலான வாழ்க்கையை வாழுறதுல இஷ்டமில்லையா? என்னமோ இந்த உலகத்தில் நீ மட்டும் தான் குறையோட இருக்க மாதிரியும் நான் உன் குறையை என்னமோ கேலி பண்ண மாதிரியும் இப்போ எதுக்கு தையத்தக்கானு ஆடுற?"

"நீயெல்லாம் ஒரு டாக்டருனு வெளியே சொல்லிக்காதே ஹர்ஷ்! ஒருவேளை எதிர்காலத்தில் உன்னை மாதிரி ஒரு நோயாளி உன்கிட்ட வந்தா என்ன பண்ணுவ? இதுக்கு மருந்தில்ல, அதனால் கோவப்பட்டு பிபி ஏறி சாவு இல்லை எதிர்ல இருக்கவனை அடிச்சு கொல்லுனா?"

"என்ன பண்ண போற ஹர்ஷ்? என்ன பிளான் வச்சிருக்க? நீயும் கண்டுபிடிக்க மாட்ட? கண்டுபிடிக்க நினைக்கிற எனக்கும் சான்ஸ் தர மாட்டேன்னா? என்ன அர்த்தம்?" என்று மூச்சு விடாமல் பேசுபவளை புருவம் சுருக்கி பார்த்தான் ஹர்ஷவர்தன்.

"ஏய்! என்ன டி உளறிட்டு இருக்க? பைத்தியம் கிய்த்தியம் ஆகிட்டியா?"
"உன்னை என்னைக்கு பார்த்தேனோ அன்னைக்கு பிடிச்சுது கிறுக்கு இன்னும் சரியாகல! அதை விடு இப்போ எனக்கு பதில் சொல்லு?"

"என்ன தான் டி வேணும் உனக்கு சும்மா நொய் நொய்னு டார்ச்சர் பண்ணிக்கிட்டு அப்படியே செவுலயே நாலு வைக்கணும் போல வெறி வருது"
"பாருடா இந்த மாதிரி எல்லாம் உனக்கு தோணுதா! இண்டெர்ஸ்ட்டிங்! வேற என்ன மாதிரியான பீல்ங் உனக்கு வரும்" என்று ஆர்வமாக கேட்க அவனுக்கோ அவளை கொல்லும் வெறி வந்தது.

"எனக்கு காலு வலிக்குது! உள்ளே போய் பேசலாம்" என்று அவனை தள்ளிவிட்டு நடு ஹாலில் காலை தூக்கி சம்மணமிட்டு சோஃபாவில் அமர்ந்தவள் அருகே அமருமாறு ஹர்ஷை அழைத்தாள்.
"எவ்வளவு வாங்குனாலும் அடங்கமாட்டியா டி நீ!" என்று எரிச்சலோடு அவள் அருகே அமர்ந்தான்.

"ஹர்ஷ் எனக்கு பேச கொஞ்சம் டைம் கொடு. வாண்ட் டு செ சம்திங்!" என்று அவன் அனுமதி வேண்டி அவனை பார்த்தாள்.
"வேண்டாம்னு சொன்னா மட்டும் விடவா போகிற சீக்கிரம் சொல்லிட்டு இடத்தை காலி பண்ணு!" என்று கண்ணை முடினான்.

'லவ் பீலிங்ஸ் எல்லாம் தள்ளி வைச்சுட்டு பேசுனா தான் கொஞ்சமாச்சும் இறங்கி வருவான் தேவா! என்ன பதில் வந்தாலும் பொறுமையா இரு! நீ இப்போ சொல்ல போறதை உங்க வீட்ல இருக்கவங்களே அக்ஸப்ட் பண்ண மாட்டாங்க சோ இவன் கண்டிப்பா அக்ஸப்ட் பண்ணமாட்டான். கொஞ்சம் பொறுமை தேவா!' என்று பலமுறை மனதில் சொல்லிக்கொண்டு உறுதியுடன் பேசினாள்.

"இந்த வருசம் டிஸ்டிங்ஷனில் நான் பாஸ் ஆகி வெளியே போனால் தான் எங்க அப்பாவோட கிளினிக் என் கண்ட்ரோலுக்கு கீழ வரும். அதுக்கு நான் எந்த எக்ஸ்ட்டிரிமுக்கும் போவேன்.

உன்மேல எனக்கு லவ் இருக்கு அதுக்கும் மேல எங்க அப்பாவை விட பெஸ்ட் டாக்டர் ஆகணும்னு ஒரு லட்சியம் இருக்கு. அது எல்லாம் நடக்கணும்னா நான் என் ப்ராஜெக்ட்ல சக்ஸஸ் ஆகணும். நீ என் லைப்ல வரலை என்றால் கூட நான் இந்த மாதிரி தான் ஏதாவது ப்ராஜெக்ட் பண்ணிருப்பேன். ஒரு எக்ஸ்பிரிமென்டீயை தேடியிருப்பேன்.

அன்-எக்ஸ்பெக்டட்டா நான் லவ் ஹோர்மோன் வைச்சு ப்ராஜெக்ட் பண்றேன். அதுக்கு உன்னை விட ஒரு பெர்ஃபெக்ட் எக்ஸ்பிரிமென்டீயை கண்டுபிடிக்க முடியாது. என்மேல உனக்கு பீலிங் இல்லை என்னை பிடிக்கலை இதெல்லாம் தூக்கி போட்டுட்டு. உன்னோட கிளாஸ்மேட் அவங்க ப்ராஜெக்ட்காக உன்கிட்ட ஹெல்ப் கேட்கிறதா நீ என் நினைச்சு என்னோட ப்ரோபோசல் ஐ மீன் ப்ராஜெக்ட் ப்ரோபோசலை கன்சிடர் பண்ண கூடாது!" என்று அவனுக்கு பேசவோ மறுப்பு தெரிவிக்கவோ வாய்பளிக்காமல் நீளமாக பேசி அவனை பார்த்தாள்.

"தேவா நீ என்னை ட்ராப் பண்ற? எனக்கு சுத்தமா உன்மேல டிரஸ்ட் இல்லை!"
"ஹர்ஷ் பாஸ்ட் எல்லாத்தையும் மறந்திரு! என்னோட பீலிங்ஸ் உன்னோட மறுப்பு கோபம் எல்லாமே தூக்கிப் போடு. ஒரே ஒரு விஷயத்தை மட்டும் யோசி ஒருவேளை என்னோட ப்ராஜெக்ட் சக்ஸஸ் ஆகலாம். அதனால் உனக்கு ஒரு புது அனுபவம் கிடைக்கலாம். திங்க் அபௌட் இட் ஹர்ஷ்!" என்று அவள் கூற அமைதியாக யோசிக்க ஆரம்பித்தான்.

'ஆண்டவா இவனை எப்படியாவது ஓகே மட்டும் சொல்ல வை மத்ததை நான் பார்த்துகிறேன். என்னை லவ் பண்ண வேண்டாம்! என் பீலிங்ஸை இவன் புரிஞ்சிக்க வேண்டாம்! ஆனால் இந்த பீலிங் எப்படி இருக்கும்னு அவனுக்கு நான் புரிய வைக்க ட்ரை பண்ணலாமே! இந்த ட்ராவல்ல என் காதல் தோல்வியில் முடிஞ்சா கூட சந்தோசமா அதை ஏத்துப்பேன்.

எதையுமே ட்ரை பண்ணாமல் தோல்வியை ஒத்துக்கமாட்டேன். கண்டிப்பா இதில் எனக்கு நிறையா வலி தான் பரிசாக கிடைக்கும். அதற்காக எதுவுமே செய்யாமல் இருக்கவா இவன்மேல பைத்தியமா திரிஞ்சேன்?' என்று அவனிடம் சொல்லமுடியாததை மனதோடு பேசி அவனை பார்த்தாள்.

'அம்மாவோட பாசம் கூட ஒருகட்டத்தில் புரிஞ்சுக்க முடியல! அவங்களை கஷ்டப்படுத்த கூடாதுனு தான் இவ்வளவு தூரம் தள்ளி இருக்கேன். ஒருவேளை இவள் சொல்லுற மாதிரி நடந்தால் நல்லா தான் இருக்கும். ஆனால் இதெல்லாம் என்னை லவ் பண்ண வைக்க இவளோட பிளானா இருந்தால்?

அவளை செவுள் மேலயே நாலு வைச்சு கழுத்தை பிடிச்சு தள்ள வேண்டியது தான். அப்பறம் என்ன? சரின்னு சொல்லி இவளோட ப்ராஜெக்ட்ல ஒர்க் பண்ண வேண்டியது தான். காலேஜ் வேற லீவ் இன்னும் வசதியா போய்டுச்சு அங்க இவளோட இம்சை இருக்காது. எப்போ ரிசர்ச் பன்றாளோ லேப்பிற்கு டைரக்ட்டா போக வேண்டியது தான்!' என்று யோசித்து,

"எனக்கு ஓகே!" என்றான்.
'என்னது இவன் ஓகே சொல்லிட்டானா? இல்லை மைண்ட்வொய்ஸ்ல பேசி பேசி இப்போ அவன் பேசாதது எல்லாம் ஹல்லோசினேட் ஆகுதா?' என்று கண்கள் வெளியே வந்து விழுந்துவிடுவது போல அவனை வெறித்தாள்.

"ஏய்! எதுக்கு டி முட்டைக்கண்ணை வைச்சு இந்த முழி முழிக்கிற?"
"ஹர்ஷ் வர வர எனக்கு உன் வாய்ஸ்ல கூட மைண்ட் வாய்ஸ் கேக்குது டா!" என்று அவனை பார்க்க பல வருடங்களுக்கு பிறகு இதழ் பிரித்து மெலிதாக சிரித்தான்.

"லூசு உன் காதுல விழுந்தது மைண்ட் வாய்ஸ் இல்லை நான் தான் பேசினேன்!" என்று தலையில் அடித்துக் கொண்டான்.
'எதே இவன் தான் பேசுனானா? அவ் இப்போ இவனை நம்பலாமா வேணாமா? நம்ப பண்ற இம்சையால ப்ராஜெக்ட்டுக்கு ஓகே சொல்ற மாதிரி சொல்லி ரூம்க்குள்ள கூட்டிட்டு போய் வெளுப்பானோ!' என்று பேய் முழி முழித்தாள்.

"இந்தா டி உன்னை அடிக்கணும்னா நேராவே அடிப்பேன் இதுக்கா உனக்கு சரி சொல்லமாட்டேன் ஆள பாரு டா! பார்க்க முள்ளங்கி மாதிரி இருந்துட்டு என்னவெல்லாம் பேசுற?"
"எதேய் முள்ளங்கியா? உன் வர்ணனையில பெட்ரோல் ஊத்தி கொளுத்த!" என்று அஷ்டகோணத்தில் முகத்தை வைத்துக்கொண்டாள் தேவசேனா.

"உனக்கெல்லாம் முள்ளங்கியே அதிகம் தான் அதனால் மூடிட்டு இரு ரொம்ப பேர்ஃபோமன்ஸ் பண்ணாமல்!" என்றதும்,
'எல்லாம் என் தலையெழுத்து!' என்று நினைக்க மட்டுமே முடிந்தது அவளால்.

ஏதோ சொல்ல வாய் எடுத்த தேவாவை பேசவிடாமல் அவளது அலைபேசி ஒலிக்க ஆரம்பித்தது. யாரு என்று வேகமாக பார்க்க தொடுதிரையில் அவளது தந்தையின் முகம் விட்டுவிட்டு ஒளித்தது.

'இப்போ தான் இவன்கிட்ட தொண்டைத்தண்ணி வத்த பேசினேன். இப்போ இவர்கிட்ட பேசணுமா? இதுக்கு ஒரு எண்டு இல்லையா கடவுளே!' என்று அழைப்பை ஏற்க மறந்து யோசித்தாள்.
"தேவா கால் அட்டென்ட் பண்ணாமல் என்ன கனவு காணுற?' என்று அவள் கையில் இருந்த போனில் அழைப்பை ஏற்று ஸ்பீக்கரில் போட்டு சிறப்பாக ஒரு சம்பவத்தை ஆரம்பித்தான் ஹர்ஷா.

அழைப்பு ஏற்கப்பட்ட அடுத்துநொடி, "தேவா என்ன முடிவு பண்ணியிருக்க?" என்று அழுத்தமாக ஒலித்தது ராம்குமாரின் குரல்.

"ப்பா நான் சொன்னது தான். நீங்க என்ன முடிவு பண்ணியிருக்கிங்க?" என்று பேசியவளிடம் சத்தமில்லாமல் 'அப்பாவா?' என்று வாயசைத்து கேட்டான்.
'ஆம்' என தலையை மட்டும் ஆட்டியவள் அவர் என்ன சொல்லப்போகிறார் என்று கூர்ந்து கவனித்தாள்.

"ஐ நீட் டு மீட் யுவர் மேன் தேவா!"
"ப்பா நோ!..." என்று மறுக்க வந்தவளை தடுத்து தந்தையாக பேசினார்.

"தேவா நீ என் பொண்ணு. உன் வறட்டு பிடிவாதத்துக்காக உன்னை அப்படியே விட என்னால் முடியாது. உன்னோட லவ், ப்ராஜெக்ட் எல்லாம் ஓகே. ஆனால் என்னால் ஹர்ஷாவை பார்க்காமல் பேசாமல் எதையும் சொல்ல முடியாது. இன்னும் த்ரீ ஹாரில் காலேஜ் ரீச் ஆகிருவோம் நானும் உன் மாம்மும் சோ அவன்கூட மீட்-அப்க்கு ரெடி பண்ணு!"
ஓகே சொல்லு என்று வாயசைத்து அவன் கூற அதை அப்படியே கூறி அழைப்பை துண்டித்தாள்.

அவளை அவன் யோசனையாக பார்க்க, அவளோ அடுத்து என்ன நடக்குமோ என்று யோசனையில் ஆழ்ந்தாள். அவளுக்கு சிறிது அவகாசம் கொடுத்தவன் அவனது ஜிம்மிற்குள் நுழைந்து அன்றாட வேலையை பார்க்க ஆரம்பித்தான். அவன் எழுந்து சென்றதை கண்டாலும் மூளையை மனசும் மாத்தி மாத்தி கேள்வி கேட்டு அவளை ஒரு வழியாக்கிவிட்டது.

"ராம் எனக்கு தேவாவோட இந்த முடிவு சரியாப்படலை. நான் ஒன்னும் காதலுக்கு எதிரியில்லை. ஷாலு திவாகர் மேலை காதலுனு வந்து நின்னப்போ அவனை பத்தி தெரியும் வரை என்னோட விருப்பத்தை நான் சொல்லல. ஒருவேளை அவன் ஷாலுக்கு சரியான மேட்ச்சா இல்லாமல் போன கண்டிப்பா என்னால் ஈஸியா அக்ஸப்ட் பண்ணமுடியாதுன்னு ரொம்ப கேர்ஃபுல்லா ஹாண்டில் பண்ணேன். ஆனால் இங்க எல்லாமே வேற தேவா ரொம்ப பிடிவாதம் பிடிப்பா நம்ப சொல்லுறதை அவ்வளவு சீக்கிரம் நம்பவும் மாட்டாள் நமக்காக அவளுக்கு பிடிச்சதை விட்டும் தரமாட்டா!"

"மாது அதுதான் நீயே சொல்லிட்டியே அவள் இப்போ யாரு பேச்சையும் கேட்க மாட்டானு. இதுல நீயோ நானோ ஒன்னும் பண்ண முடியாது. ஆனால் கண்ட்ரோல் பண்ண முடியும். அதை தான் நம்ப இப்போ பண்ண போறோம். அந்த பையனை பார்த்து பேசுவோம் அப்பறம் மத்ததை பேசிக்கலாம். கொஞ்சம் ரிலாக்ஸ் இரு!" என்று கூறி மீதி பயணத்தை மௌனத்தோடு கடந்தனர் மூத்த ஜோடி இருவரும்.

*******************

ஒருவித மனப்போராட்டத்தில் இருந்தவளை நடப்பிற்கு அழைத்து வந்தது ரியாவின் அழைப்பு, மீண்டுமா என்ற எண்ணம் தோன்றினாலும் எதுவும் செய்ய முடியாது அதை ஏற்றாள்.

"ஏய் தேவா எங்க டி போய் தொலைஞ்ச?" என்று உச்சஸ்தானியில் கத்தினாள் ரியா.
"நான் பக்கத்தில் ஒரு இடத்திற்கு வந்திருக்கேன். அப்பா வந்திட்டு இருக்கார். நான் போயிக்கிறேன் நீ பார்த்து போடி. வீட்டுக்கு ரீச் ஆனதும் மெசேஜ் பண்ணு" என்று அவளுக்கு வாய்ப்பளிக்காது பேசினாள்.
"சரிடி நீயும் கிளம்பும் போது போன் போடு. இல்லைனா தனியா விட்டு வந்துட்டேன் தோணிட்டே இருக்கும்."

"கிளம்பும் போது பேசுறேன்." என்று பேச்சை வளர்க்காமல் அழைப்பைத் துண்டித்தாள்.
இதெல்லாம் பக்கத்தறையில் இருக்கும் ஹர்ஷாவிற்கு கேட்டாலும் எதையும் கண்டுக்கொள்ளாமல் ஒர்க்-அவுட் செய்தான்.

'எந்த ஆங்கிளில் இவளுக்கு என்மேல இந்த இத்துப்போன காதல் வந்துச்சு. நம்ப சிரிச்சு பேசியே பல வருசம் ஆகிருச்சு. அதுவும் அந்த டாக்டர் என்னைக்கு இப்படி ஒரு பிரச்சனை இருக்குனு சொன்னாரோ அப்பவே அம்மா அப்பான்னு எல்லார்கிட்டயும் இருந்து தள்ளி வந்துட்டேன்.' என்று நினைக்கும் போதே பெற்றோர்களின் நினைவு தடை செய்தது.

'வருசத்துக்கு ஒரு டைம் தான் ஊருக்கும் போறேன். அம்மா அப்பாக்கு பார்க்கணும்னா கூட அவங்க தான் வருவாங்க. அவங்க பீலிங் கூட பல நேரம் என்னை பாதிக்காது. அவங்களை கஷ்டப்படுத்த கூடாதுனு நெறய நாள் அதுக்கு பொய்யா ரெஸ்பான்ஸ் பண்ணிருக்கேன்.

இதெல்லாம் சரி பண்ணனும் தான் இந்த கோர்ஸ் எடுத்தேன். ஆனால் என்னால் இதுக்கு ஒரு நிரந்திர தீர்வை கண்டுபிடிக்க முடியல. ஒருவேளை இவளால் எனக்கு நல்லது நடந்தால் நல்லா தான் இருக்கும். பட் அது அவ்வளவு ஈஸி இல்லையே. என்னோட அங்கேர் கண்டிப்பா இவளை காயப்படுத்தும்.

அதையும் தாண்டி இவள் எதுக்கு என்னை சுத்தி வரா? இந்த நான்சென்ஸ் லவ்வுக்காகவா? ஹௌ ஸ்டுபிட்?' என்று யோசித்துக் கொண்டிருந்தவனை தடை செய்தது தேவாவின் அழைப்பு.

'நிம்மதியா ஒர்க்-அவுட் கூட பண்ண விடமாட்டேங்கிற? ச்சை!' என்று எழுந்து சென்றவன் கண்டது என்னவோ சுருங்கிய முகத்துடன் அமர்ந்திருந்தவளை தான்.
"என்ன டி?" என்றான் உணர்வற்ற குரலில்.
"லாஸ்ட் டே பீரியட்ஸ்! மதியம் சாப்பிடாமல் தூங்கிட்டேன். ஒரு மாதிரி ட்ரவுசியா இருக்கு!"
"பசிச்சா சொல்லித் தொலைய வேண்டியது தானே?" கத்தியவன் காலை சமைத்த உணவை தட்டில் போட்டு கொடுத்தவன், "இன்னும் வேணும்னா கிச்சன்ல தான் எல்லாமே இருக்கு போய் போட்டுக்கோ. என்னை டிஸ்டர்ப் பண்ணாதே!" என்று எச்சரிக்கும் குரலில் கூறி மீண்டும் ஜிம்மிற்குள் அடைக்கலம் ஆகிவிட்டான்.

தேவாவிற்கு தான் சப்பென்று இருந்தது, 'என்ன கருமம் டா இது?' என்று அவனது செயலை அவள் மனம் காறித்துப்பாமல் இல்லை. விதியே என்று அவன் கொடுத்த உணவை உண்டு கையையும் தட்டையும் கழுவி வைத்து மீண்டும் அதே இடத்தில் அமர்ந்து விட்ட இடத்தில் இருந்து யோசிக்க ஆரம்பித்தாள்.

இருவரும் அவரவர் பணியை சிறப்பாக செய்ய, மூன்று மணிநேரம் கடந்து தேவாவின் பெற்றோர் அவள் கல்லூரிக்கு வந்துவிட்டதாக அழைத்தனர்.
கல்லூரி விடுமுறை பற்றி கூறி விடுதியில் இருக்கும் பொருட்களை அங்கிருந்து எடுத்துக்கொண்டு ஹர்ஷாவின் வீட்டிற்கு வர சொல்ல தயங்கினாலும் வேறுவழில்லாமல் அங்கே வந்தனர்.

வரும் வழியெல்லாம் மாதவி புலம்பிக்கொண்டே வர, ராம்குமாருக்கு தான் மனைவி மகள் என்று இரு சகபாதத்தை சரிக்கட்ட வேண்டிய நிலை. மனதில் தான் பேச வேண்டியவைகளையும் கேட்க வேண்டியவைகளையும் அசைபோட்டவாறே தேவா அனுப்பிய லைவ் லொகேஷனுக்கு வந்தார்.

தான் வந்துவிட்டதாக அவளுக்கு அழைக்க அடுத்த நிமிடம் ஹர்ஷாவோடு அவர்களை அழைக்க கீழே வந்திருந்தாள். அவனும் குளித்து பிரெஷாக வந்து அவர்களை வரவேற்றான். இருவரும் அவனை ஆராய்ச்சியாக பார்த்தாலும் அதை அவன் சிறிதும் கண்டுக்கொள்ளாது அவர்களை வீட்டிற்கு அழைக்க, நெருடலோடு அவனை தொடர்ந்து வீட்டிற்குள் சென்றனர்.

இதையெல்லாம் பார்வையாளராக பார்த்துக் கொண்டிருந்த தேவா எதிலும் தலையிடவில்லை. காரணம் இதை விட பெரிதாக ஒரு கோரிக்கையை அவர்கள் மூன்று பேர் முன் இன்னும் சற்று நேரத்தில் அவள் வைக்கப் போவதால் சாதாரணமாக அவளை காட்டிக்கொண்டாள்.


தொடரும்.........
 
அத்தியாயம் - 4

வீட்டிற்குள் வந்த ராம்குமார் சுற்றிமுற்றி பார்த்து, "அப்பா அம்மா எங்க ஹர்ஷ்?" என்றார்.
"அவங்க ஊர்ல இருக்காங்க அங்கிள். இங்க நான் மட்டும் தான்!"
"ஓ! ஃபூட்டுக்கு ஆள் போட்டிருக்கியா?" என்று மாதவி கேட்க,
"இல்லை ஆண்டி நானே சமைப்பேன்" என்றான்.

அடுத்து என்ன பேசுவது என்று தெரியாமல் மாதவி அமைதியாகி விட, பேச தோதாக அமர்ந்தார் ராம்குமார்.
"உன்னோட இஸ்யூவை எக்ஸமைன் பண்ணிட்டியா?"
"ம்ம் பண்ணிட்டேன் அங்கிள்!"
"குட் உன்னோட மெடிக்கல் ஹிஸ்டரியை பார்க்கலாமா?" என்று கேட்க, தேவாவை ஒரு பார்வை பார்த்து அதை எடுக்க சென்றான்.

பூனைக்குட்டி போல் அவர்களை கண்டுக்கொள்ளாது அவளும் உள்ளே போக, இருவருக்கும் மனம் பதறியது.
"ஏய் எதுக்குடி வந்த?" என்று எரிச்சலாக கேட்க,
"அம் சோ நெர்வ்வஸ் அண்ட் ஐ நீட் யுவர் வார்ம்" என்று அவனை அணைத்தாள்.

அவளது செய்கை அவனுக்கு எல்லையற்ற சினத்தை ஏற்படுத்தியது. அதை குறைக்கும் விதமாக அவளது இதயத்துடிப்பு துல்லியமாக கேட்க, அவளை பார்த்தான். அப்பட்டமாக அவளது பயம் முகத்தில் தெரிய, எதுவும் சொல்லாது அவளை பிரித்து மருத்துவக்குறிப்பை எடுத்து வெளியேறிவிட்டேன்.

அழுகை முட்டிக்கொண்டு வந்தாலும் இதற்கு இது நேரமல்ல என்று அவள் மனம் ஆயிரம் அறிவுரைக் கூறி அவளை தயார் செய்ய, அவளும் சில நொடிகளில் சரி செய்து கொண்டு வெளியே சென்றாள்.
ராம்குமார் அவனது ரிப்போர்ட்டை பார்த்துக்கொண்டிருக்க மாதவியின் பார்வையோ ஹர்ஷ் மற்றும் தேவாவின் மீது பதிந்திருந்தது.

எதுவும் பேசாமலே தேவாவின் இதயம் வெளியே வந்து விடுவது போல துடித்தது. முக்கியமாக தான் சொல்லப்போவதை கேட்டு முதலில் கோபம் கொள்ளப்போகும் தன்னவனை எப்படி சரிக்கட்ட என்று யோசித்துக்கொண்டிருக்கும் போதே ரிப்போர்ட்டை முழுதாக படித்து கீழே வைத்தார்.

கையை கட்டிக்கொண்டு அமர்ந்திருந்தவரை பார்த்தவளுக்கு வார்த்தைகள் யாவும் களவுப்போன நிலை தான்.
சினேகமாக ஹர்ஷாவை பார்த்து சிரித்த ராம்குமார், "லவ் மத்த பீலிங்ஸ் இதை தாண்டி ஹேவ் யு ட்ரைட்டு அன் இன்டிமேட் ரிலேஷன்ஷிப் வித் எனிஒன்?" என்று கேட்டவரை புருவம் சுருக்கி முறைத்தான்.

அதில் மெலிதாக சிரித்த ராம்குமார், "இப்போ நான் தேவாவோட அப்பாவா மட்டும் பேசல. நான் ஒரு டாக்டரும் கூட. என்னோட கேள்விகள் உங்களுக்கு ஒரு கிளியர் வியூஸ் தரலாம். சோ ரிலாக்ஸ்!" என்று நிறுத்தி, "இப்போ சொல்லு ஹேவ் யு?"

"நோ!" என்றான் பட்டென்று.
"மெடிசின் எடுக்கிறியா?"
"ம்ம் எடுக்கிறேன் ஆனால் இதுக்கு சரியான மெடிசின் இன்னும் கண்டுபிடிக்கல. இப்போதைக்கு அங்கேர் மேனேஜ்மென்ட்டுக்கும் நல்லா தூங்கவும் தான் பில்ஸ் எடுக்கிறேன்!"
"குட்! லவ் பத்தி உன் வியூ என்ன?"
"ஜஸ்ட் அ வே ஃபோர் ரீப்ரோடுக்ஷன்!"

"எப்போ லாஸ்ட்டா அழுத?"
"வன் இயர் முன்னாடி"
"ஹௌ லோங் யு கிரியட்?"
"ஃபோர் பைவ் மோர் மினிட்ஸ்!"

இப்படி பல கேள்விகள் அவர் கேட்க அவனும் முடிந்த அளவிற்கு பதில் கூறினான். கிட்டத்தட்ட ஒருமணி நேரம் அவர்கள் பேச்சுவார்த்தை நடக்க ஆரம்பத்தில் மாதவியும் தேவாவும் ஏனோதானோ என்று கவனித்தாலும் போக போக உன்னிப்பாக கவனிக்க ஆரம்பித்தனர்.

"இட்ஸ் சோ கிளியர் இன் யுவர் ரிப்போர்ட் யு ஆர் அன் அரோமான்டிக் பேர்சொன். அதர் தன் தட் யு ஹவ் ஃபேஸ்ட் மோர் இஸ்சு இன் யுவர் டீன். சோ தட் யு ஐசோலேட் யுவர்செல்ப் பிரம் கிளோஸ்ட்ஒன்ஸ். அம் ஐ ரைட்?"
"ம்ம்!" என்று சொன்னானே தவிர அதற்கு மேல் எதுவும் சொல்லவில்லை அவரும் அவனை அதற்குமேல் வற்புறுத்தி கேட்கவில்லை.

இருவரும் பேசும் வரை அமைதியாக இருந்து தேவா அப்போது வாயை திறந்தாள்.
"எந்த ஒரு விஷயம் பழகவும் கொறஞ்சது நாற்பத்தியெட்டு நாள் ஆகும். காலேஜ் லீவு வேற நான் எங்க மேம்கிட்ட பெர்மிஸன் வாங்கி மெடிக்கல் காலேஜ்லேயே எல்லா வேலையும் பார்க்கலாம்னு இருக்கேன். அண்ட் இந்த நாற்பத்தியெட்டு நாலும் நான் ஹர்ஷ் கூட தான் இருக்க போறேன்." என்று அவள் கூற மூவரும் அவளை அதிர்ந்துப் பார்த்தனர்.

"உனக்கு என்ன பைத்தியமா தேவா?" என்று ஹர்ஷா சீற, வாயைத் திறக்காமல் அழுத்தமாக அமர்ந்திருந்தாள்.
"தேவா மனசுல என்ன நினைச்சுட்டு இதை நீ செய்ற? உன்னை அவன் லவ் பண்ணவோ கல்யாணம் பண்ணவோ ஒரு சதவீதம் தான் சான்ஸ் இருக்கு! இப்போ இது தேவையா?" என்று ஆதங்கமாக வந்து விழுந்தது மாதவியின் வார்த்தைகள்.

"மாம் இது லிவ் ஆர் டெத் ஸ்டேட் தான். நான் எல்லாத்துக்கும் ரெடியா தான் இருக்கேன். என்னால் ஹர்ஷாக்கு ஒரு நல்லது நடந்தால் அது போதாதா எனக்கு. நான் நம்ப வீட்டுக்கு உங்க பொண்ணா தான் வருவேன் என்னை நீங்க நம்பலாம்!" அவரது பயமறிந்து குறிப்பால் உணர்த்தினாள்.
"எங்களுக்கு ஓகே தேவா! அதுக்கு முதல் ஹர்ஷ் ஓகே சொல்லணும்" என்ற ராம்குமார் அவனையே பார்த்திருந்தார்.

"எனக்கு ஓகே அங்கிள். பட் எனக்கு சில ரூல்ஸ் இருக்கு அதுக்கெல்லாம் தேவா ஓகே சொன்னா எனக்கு எந்த ஆப்ஜெக்ஷனும் இல்லை!"
"என்ன?" என்று அவர்கள் பார்க்க, ஆழ்ந்த மூச்சை எடுத்து பேசினான்.

"எனக்கு அவ்வளவு பீலிங் இல்லை தான் பட் வரவே வராதுன்னு சொல்ல முடியாது!" என்று நிறுத்தி தேவாவை பார்த்தவன், "என்னை மாதிரி இருக்க பலர் காதல், கல்யாணம், குழந்தைங்கனு இருக்காங்க! எல்லாமே ஒரு டைம்ல மாறலாம் இல்லை சில கேஸ் போல இன்டிமேட் ரிலேஷன்ஷிப்ல இண்டெர்ஸ்ட் இல்லாமல் இருக்கலாம். இதுவரை நான் இதையெல்லாம் டீப்பா திங்க் பண்ணல.

என்னால் ஒரு பொண்ணு லைப் ஸ்பாயில் ஆகவேண்டாம்னு தள்ளி இருந்தேன். பட் என்னை தேடி இப்போ ஒரு ஆஃபர் வந்திருக்கு அதை நான் யூஸ் பண்ண நினைக்கிறேனே தவிர மத்தப்படி எனக்கு அவளை கல்யாணம் பண்ற தாட் இப்போ வர இல்லை. அண்ட் உங்களுக்கு சூரிட்டி தர முடியாது. இப்போ நான் ஓகே சொல்றது கூட எனக்கு பெனிபிட்ஸ் இருக்க காரணத்தால் தான்.

தேவா இங்க இருக்கும் வர நானா அவளை எதுக்கும் கட்டாயமோ டிமாண்ட்டோ பண்ணவே மாட்டேன் அன்ட்டில்!" என்று நிறுத்தி மற்றதை அவர்களது கற்பனைக்கே விட்டுவிட்டான்.

இதை எப்படி கையாண்டாலும் காயம்படப்போவது அவர்களது செல்ல மகள் தான் என்று தெரிந்தும் அவர்களால் எப்படி இதற்கு ஒற்றுக்கொள்ள முடியும்.
"தேவா நீ திரும்பி கன்சிடர் பண்ணலாமே!" என்று மாதவி கூற,
"நோ மாம் நான் இதை ட்ரை பண்ண தான் போறேன். உங்க சம்மதமோடவா இல்லையானு நீங்க தான் முடிவு பண்ணனும்!" அவ்வளவு தான் என்பது போல அவள் முடித்துக்கொள்ள பெருமூச்சுடன் எழுந்த ராம்குமார், "ஹர்ஷ் ட்ரை டு கண்ட்ரோல் யுவர் அங்கேர். ரொம்ப கஷ்டப்படுத்திராதே! வரும் நாட்களில் என்ன வேணாலும் நடக்கலாம். உன்னால் தேவாவை டாலெரேட் பண்ண முடியலைன்னா உடனே எனக்கு கால் பண்ணு இது தான் என் நம்பர்" என்று அவரது கார்டை கொடுக்க வாங்கி வைத்துக்கொண்டான்.

பிடிக்கவில்லை என்றாலும் அவர்களால் அவளை அடித்தோ இழுத்தோ செல்லமுடியாது. அவள் தான் இனி நடப்பதற்கெல்லாம் பொறுப்பு என்று பல அறிவுரைகளும் பத்திரங்களும் கூறி கிளம்ப ஆயத்தமாகினர்.

அதுவரை பார்வையாளராக இருந்த ஹர்ஷ் அவர்கள் புறப்படும் போது மர்யாதை நிமித்தமாக கீழே வரை சென்றான். கிளம்பும் போது தேவாவின் உடைமைகளை அவளிடம் ஒப்படைத்து சிறு தலையசைப்புடன் கிளம்பினர்.

போகும் வழியில் மாதவி புலம்ப, "மாது உன் பொண்ணு மேஜர் கல்யாணம் லிவிங்னு முடிவெடுக்க அவளுக்கு உரிமை இருக்கு. அவள் நம்மகிட்ட சொல்லிட்டு தானே செய்கிறாள் எதுக்கு நீ இவ்வளவு கொழப்பிக்கிற? ஒரு அம்மாவா மட்டுமில்லாமல் டாக்டராவும் யோசி உனக்கே என்னோட முடிவு புரியும்!" என்று அவர் பேச,
அவரும் நிதர்சனம் புரிந்து அமைதியானார்.

அவர்கள் விட்டு சென்றதும் அவ்வளவு நேரம் இழுத்துப்பிடித்திருந்த கண்ணீர் எட்டிப் பார்க்க கடுப்பாக அவளை பார்த்தான்.
"இப்போ எதுக்கு அழுது சீன் கிரியேட் பண்ற? திங்ஸ் எல்லாத்தையும் எடுத்துட்டு மேல வா!" என்று இரண்டு இரண்டு படிகளாக தாவி மேலே ஏறினான்.

தனக்கு விதித்தது இதுதான் என்று நிதர்சனத்தை ஏற்று மேலே சென்றாள்.
'இவனை எப்படி தான் லவ் பண்ண தோணுச்சோ! சரி அவன் தான் இதெல்லாம் செய்யணுமா நம்ப கூட அவனுக்கு எல்லாம் செய்யலாம்' என்று மனதை தேற்றி மேலே செல்ல அவனோ தூங்குவதற்கு ஆயத்தமாகினான்.

'இவன்கிட்ட கண்டதை எதிர்பார்க்காமல் இரு டா மானங்கெட்ட மனசே! எப்போடா என் செவுள பேக்கலாம்னு அவன் ஆர்வமாக இருக்கான். அதுக்கு நீயே சான்ஸ் கொடுக்கிற மாதிரி கண்டதையும் பண்ணி அவன்கிட்ட மிதி வாங்க வைச்சிறாதே! அவன் இன்னைக்கு பிடிச்ச பிடிக்கே வாயை திறந்து சோறு திங்க முடியல!' என்று கன்னத்தை தொட்டு பார்த்து சோஃபாவில் படுத்தாள்.

"உள்ளே வந்து படு!" என்று அவனும் அழைக்கவில்லை,
"உன் ரூம் ஷேர் பண்ணிக்கவா?" என்று அவளும் கேட்கவில்லை.
முதல்நாளுக்கு இதுவே போதும் என்று இருவரும் அமைதியாக நித்ராதேவியை நாடினர்.

அப்போது தான் ரியாவிற்கு வீட்டுக்கு சென்றுவிட்டதாக குறுஞ்செய்தி அனுப்ப நினைத்து அதை மறந்தது நினைவு வந்தது. வேகமாக அலைபேசியை கையில் எடுத்தவள்,
"ரீச்ட் ஹோம், ஹாப்பி ஜர்னி" என்று மெசேஜை தட்டிவிட்டு கண்ணயர்ந்தாள்.


eiXTIDG46040.jpg
 
Last edited:
Status
Not open for further replies.
Top